Australia come from 2-0 kondo down to kpokpo Brazil 3-2 for gbegerism wey make Brazil chop  first group-stage yakata falling in 24 years.

Italy bin kpokpo Australia for their first game , e come be ike say history wan repeat again against Brazil but the come come back to kolobi the game and win their second game.

Na Marta penarity and Cristiane strike bin put the Brazilians for front before Caitlin Foord,Chloe Logarzo and Defender Monica own goal wey VAR award after the lines woman bin rule am off side come helep complete Australia comeback.

Oswaldo Fumeiro Alvarez wey be Brazil coach come comot Marta wey get knock for half time after she don extend her record tally to 16 World Cup goals.

D Brazilians wey beat Jamaica last time with Cristiane hat-trick never lose any group stage match for the finals since 1995.

The Australians wey rank sixth for the world now don level with the Brazilians and the Italians ontop three points for Group C.