Author: Jovita Eke
Togo Coachee wey be Claude le Roy tok say Fifa decision to carry play the 2021 Club World Cup for June and July fit kpuff the Africa Cup of Nations kpatakpata.
Real Madrid Oga wey be Zinedine Zidane tok say Wales forward wey be Gareth Bale no ever open mouth tok say im wan comot Real Madrid.
B4 b4 boxing heavyweight champion wey be Tyson Fury tok say im dey seriously consider to fiht one fight for MMA before the year go end and im say im dey look to the sport biggest star wey be Irishman Conor McGregor to helep train am for im first fight.
Wimbledon champion wey be Simona Halep bin survive match point before e come kpokpo Canadian teenager Bianca Andreescu for the WTA Finals kasala wey shele for inside Shenzhen.
French midfielder Franck Ribery don come outside to apologise sake of say e provoke vex come push one assistant referee and dis one come make am collect red card, after Fiorentina 2-1 yakata falling to Lazio.
Dem bin subjest Sampdoria and England under-21 international player wey be Ronaldo Vieira to racist abuse for one Serie A clash with Roma.
Tiger Woods tok say im waka come back to full fitness dey go tuele tuele and say e even fit return before time sef as e dey recover from the knee operation wey e do.
Tori say dem don give American boxer Eric Molina additional one-month ban sake of say e breach the terms of im two-year suspension for failing one doping test.
Tori say one football agent wey dem accuse of corruption don come out to claim say b4 b4 Manchester United Coach wey be Sir Alex Ferguson bin conspire to fix one match between Manchester United and Juventus and e bin collect Rolex gift watch wey reach £30,000, na so one court hear today.
Dem don carry the title of the dirtiest team for the history of the Premier League give Chelsea.
