Gbajo gbanjo who go buy o, dis na the kine bell wey Manchester United dey ring as dem don turn desperado to try find person wey go buy Alexis Sanchez dis summer.
The forward currently dey ontop loan waka for Inter Milan and e never too tey wey Ole Gunnar Solskjaer tok say Sanchez go soon come back Old Trafford come show im ginger and swagger dis summer.
The 31-year-old still get contract go reach 2022 ande dey collect reach £400,000 a week -and now na Inter Milan dey pay three quarters of that kpogiri ds season.
Na the Chile international bin set up Inter equaliser for their 4-2 akpako nacking over rivals AC Milan on Sunday night.
Na that game go be im first start since September a s e dey out with ankle injury since three months now.
