Cristiano Ronaldo bin provoke para after one pitch invader bin run enter pitch grab am for the end of Juventus 2-0 kondo kpake for Bayer Leverkusen on Wednesday.

Na the Portuguese bin give Juventus the lead on the 75th minute as e kolobi im 128th Champions League goal, before Gonzalo Higuain come add another one join later on.

After the final whistle na so one fan run enter the pitch come put im arm around Ronaldo as e dey try take one selfie.

Na so Ronaldo vex push the fan comot from im side before security staff come join hand carry the fan comot from the pitch.