Tori wey dey say Ghana  Don sharply go kolobi two technical experts wey be  Jermaine Lopia and Simon Copley from Manchester City and Arsenal respectively on top short term basis to helep the team ready for the Africa Cup of Nations finals wey dey come so.

Den two come as additional staff for head coachila Kwasi Appiah backroom as e dey ready to carry the Black Stars go kpake their first continental trophy in 37 years.

Jermaine Lopia dey work as Performance Analyst with Manchester City  U-18s since 2014  and now e go join the Ghana technical team as Video and Match Analyst.

Meanwhile, Simon Copley wey be  UEFA A License holder dey work as work for the Arsenal Academy as their current U-14 Head Coach but now e go work as Physical Trainer for the Black Stars before and during the Afcon.

The team go play two friend games against Namibia and South Africa before coach Appiah go come pick im final squad. Ghana dey Group F of the 2019 Afcon with Cameroon, Benin, and Guinea-Bissau.

The Black Stars go start their pre-tournament preparations for inside Dubai from June 1 but the tournament go start June 21 for inside Egypt.